什麼是靜觀？
靜觀（Mindfulness），又稱為「正念」，是一種有意識、不加批判將注意力放在當下此刻的練習。回到你正在做的事情、回到你的呼吸、回到你的身體感受。不是要你放空，也不是要你什麼都不想，而是當思緒飄走時，發現它，然後帶回來。
不過，靜觀唔係得個「聽」字，最緊要係「練」。以下我哋精選咗幾個 YouTube 頻道。
❶ 330 Newlife（新生精神康復會）
呢個係由新生精神康復會製作嘅本地頻道，佢哋嘅理念好簡單——「330」，即係每日抽三個「三分鐘」去照顧自己。頻道連結：330 Newlife YouTube 頻道
❷ 中大有晴（Sunshine At CUHK）
由香港中文大學學生事務處心理健康及輔導中心製作，內容由專業團隊設計，特別針對年輕人嘅需要。頻道連結：中大有晴 YouTube 頻道
❸ Great Meditation
佢哋最特別嘅地方係經常用精美嘅動畫去講解冥想概念，令人好容易明白同投入。頻道連結：Great Meditation YouTube 頻道
❹ The Mindful Movement
呢個頻道由美國夫婦 Sara 同 Les 創立，訂閱人數接近100萬，係 YouTube 上其中一個最受歡迎嘅身心靈頻道。Sara 本身係一位催眠治療師，同時精通冥想、瑜伽同普拉提。所以呢度除咗冥想引導，仲有好多瑜伽練習同催眠療法嘅內容。頻道連結：The Mindful Movement YouTube 頻道
❺ 方法學院（123comeup）
呢個本地頻道嘅定位比較特別，佢主打嘅係「不思考方法」。同傳統靜觀好唔同，佢哋提倡透過停止思考嚟達到內心平靜，而唔係觀察思緒。如果你試過傳統靜觀覺得唔係好啱自己，或者純粹想試吓新嘅角度去處理心煩意亂，呢個頻道可能會為你打開另一道門。頻道連結：方法學院 YouTube 頻道
記住，靜觀練習冇話邊個方法先係「正確」。最重要係搵到一個你覺得舒服、願意持之以恆嘅方式。每一次你願意俾自己幾分鐘，你都係喺度好好咁照顧緊自己。